ابريق المتة السحري: مارد بلا واسطة

خرج المارد من الابريق وصرخ: مجنون أنت عم تغلي الأبريق وأنا فيه؟
قال حسام: طيب بدي اشرب متة! يعني شو بعملك؟
نظر اليه المارد بغضب وقال: روح انقعلي كاسة لقلك!

هكذا هو السوري ومارده فالأخير لا يخرج ليقول شبيك لبيك مدري شو بين ايديك ..لأ
شو هالحكي؟ هو يتنازل أنو يقلو هيك؟
وبعد كاسة المتة قال حسام:
هلأ أنو هدول تبعون الأبريق والفانوس السحري ما بتقولوا هيك عبارة وحدة للكل؟
قال المارد: نحنا؟ والله أنا ما قطعت السادس لهيك ما بعرف عن شو عم تحكي؟ هدا علم يعني؟
قال حسام: علم؟ بعدين سادس شو؟
المارد: سادس علمي، لا والله، يمكن أدبي..آآآآه والله ما بذكر هالحكي من عشرين الف سنة!
قال حسام: طيب ماشي فهمت عليك، بس أنو مو أنتو بتحققوا تلات أمنيات ع أساس؟
ضحك المارد لحتى شبع وقال: ثلاثة يا زلمة وقاعد بالأبريق؟ شو مفكرني ——- (الرقابة الداخلية تحييكم) لا يا رجل غلطان أو مفكرني بالـ——– عند ———- أو مرافقة مع ———- (الرقابة الداخلية تتمنى لكم يوما سعيدا)

بلع حسام ريقه مع الماء المغلي وقال: لا …أبدا. اذا بدك أنت شي تكرم عينك.
قال المارد: من طيبي بحب السوريين! أكابر وأولاد حلال وطلباتهم قليلة!