صفات معارض

اول صفة بتلاحظا بالمعارض انو مخالف بكل شي سبحان الله من شكلو بتعرفو معارض

تاني شي اول ما بيقعد وبتسالو كيف الحال بيقلك اخ لاتذكرني يارفيق والله الحالة تعبانة

لك ياعمي هالدردري بدو يجيب اخرتنا عن قريب

هالفريق الاقتصادي عم يحول النظام باللبلد إلى نظام راس مالي

بتسالو كيف الاهل بيقلك لاتذكرني لك بخاف على اهلي إذا اعتقلني هالنظام الامني الارهابي بخاف عليون يموتو من القهر عليي

بتغلط وبتسألو كيف الشغل وبتكر المسحبة انو شغل لك مافي بالبلد شغل انا اتخرجت مهندس قدي ودلقي لاتوظف بالدولة براتب 11 الف ليرة

العمى على هالبلد شي بيجنن يا أصلا ما رح نصير خلق حتى تروح هالطغمة الحاكمة ونعمل نظام ديمقراطي بيحترم الحريات وبيقدر العمل والكفاءات

وبس تسألو وشو ناوي مشان مستقبلك بيقلك بدي هج

شو يعني بدك تهج؟

يعني بدي اترك البلد وسافر ياعمي ابقا فيني ابقى دقيقة بهالبلد

لك لاه ياحبيبي ليكا كل العالم عم تشتغل وتتعب وتركد ورا لقمة عيشا

لك ياحبيبي انا دكتورة وعم اشتغل 3 شغلات ومابرضى اترك البلد لك ياعمي لاتنطر الشغل انت روح لعندو

بيقلي ما في مجال ابدا انا ابداعاتي مو خرج هالبلد

لك يا اخو ال……..

هج وريحنا ومادام بدك تهج ليش صارع ربي بهالحكي

لك إذا بدك تترك هالبلد وتسافر ليش عم تتفكزلك بالحكي عن الاوضاع

لك لا تقلي مجبر اخاك لا بطل

انت شكلك يارفيق بدك ياتشتغل وزير يا اما معارض وعلى اساس شوفوني انا موعاجبني العجب

لك اخ هالبلد ايمت بدها تصير إذا كل واحد بدو يهج؟

لك روحو والله لايردو يلي بيروح وبيترك بلدو للطغمة الظالمة على حد قولو

من قهري عم اكتب لانو صار مظهر السفر والهج من البلد مجرد برستيج للدلالة على انو هالمواطن معارض ومو عاجبو العجب وكانو المعارضة ما بتصير من جوا البلد

ولا تحكولي اعتقالات وحكي فاضي

كل واحد فينا فيو نفس معارضة وما بيعجبنا كل شي وكل واحد بيعارض على طريقتو وكتار ماعم يصير عليون شي

والف فلقة ببلدي ولا يقولو هرب يا خديجة

http://lamaali.wordpress.com/