ثورة مصر
عيب يا مديحة
فاطمة قنديل
ما تردي الباب عيب يا مديحه
نداري ف إيه مفيش تسريحه
ربونا على الشوم و الكرابيج
و طلعتي لمين بس قبيحه
عيب يا مديحه
يا مديحه سنين ووراها سنين
بتداري علينا و مش داريين
قوانين تتكوم ع القوانين
و فضيحه بتولد ف فضيحه
عيب يا مديحه
يا مديحه يا أيام النكسه
فرفشتي الناس يوم الوكسه
و الليله بتلمي نقوطك
محميه بأورطة شبيحه
عيب يا مديحه
سامعاكي تزني ف وداني
خليتي الناس مش سامعاني
و أخدتي زمانك و زماني
فيه الفنان بأه تلقيحه
عيب يا مديحه
إتاخر نفسي أقعد جنبك
يا أبو الهول يخرب بيت صبرك
حنبادل مناخيري بصمتك
و أراهنك تصبر ع الريحه
عيب يا مديحه
يا مديحه يا لون الحربايه
تلاتين سنه ضرب على قفايا
شدتني من قلبي الدايه
و طلعت يا خيبة أمي صريحه
ملعون أبو أمك يا مديحه
من ديوان ” حظر التجول ” 1987
الفيس بوك